Masallıda bıçaqlanan şəxsin yalan ifadəsi ifşa olundu

Masallıda Qəriblər kənd sakini bıçaqlayan şəxs saxlanılıb. Lent.az-ın Daxili İşlər Nazirliyinin saytına istinadən məlumatına görə, fevralın 22-də kənd sakini Ceyhun İmamyarov kəsilmiş-deşilmiş xəsarətlərlə xəstəxanaya gətirilib və izahatında yıxılması nəticəsində xəsarət almasını bildirib.

Masallı RPŞ əməkdaşları tərəfindən ona bıçaqla xəsarətin şəhər sakini Ceyhun Nuriyev tərəfindən yetirilməsi müəyyən edilib. Həyata keçirilmiş əməliyyat-axtarış tədbirləri ilə C. Nuriyev tutulub.