"Mercedes" və "Mitsubişi" toqquşdu: yaralı var

Bu gün Bakı-Quba yolunda yol nəqliyyat hadisəsi baş verib. APA -nın şimal bürosunun verdiyi məlumata görə, qəza magistralın Atuc kəndi ərazisindən keçən hissəsində qeydə alınıb. "Mercedes " markalı maşınla "Mitsubişi" markalı avtomaşın toqquşub. İlkin məlumata görə, qəza nəticəsində bir nəfər xəsarət alıb. Xəsarət alan şəxs Quba Mərkəzi Rayon Xəstəxanasına yerləşdirilib.

Faktla bağlı araşdırma aparılır.