![[b]Sərxoş kişini avtomobil vurub öldürdü [/b]](https://lent.az/site/assets/images/breaking-news/lentaz.png)
Gecə saatlarında Bakının Nərimanov rayonu ərazisində piyadanın ölümü ilə nəticələnən yol qəzası baş verib. APA-nın məlumatına görə, avtoqəza Heydər Əliyev prospektində qeydə alınıb.
1944-cü il təvəllüdlü Əliyev Tofiq Mahmud oğlunun idarə etdiyi "Ford" markalı avtomobil keçmiş "Bağırov körpüsü"nün yaxınlığında təxminən 50-55 yaşlarında, şəxsiyyəti hələlik məlum olmayan kişini vurub. Nəticədə həmin piyada hadisə yerindəcə keçinib.
Şahidlərin sözlərinə görə, həmin piyada bir neçə dəfə yolun hərəkət hissəsi ilə yolu qarşı tərəfə keçib. Ətrafdakıların iradına da məhəl qoymayan kişi sonda yol qəzasına səbəb olub. Onun həmin vaxt sərxoş olduğu iddia edilir.
Əraziyə Nəsimanov RPİ-nin istintaqçıları və YPX müfəttişləri cəlb olunub, müayinələr aparılıb. Hadisənin təfərrüatları istintaq yolu ilə araşdırılır.
Qeyd edək ki, bu prospektdə avtomobillərin hərəkətinə icazə verilən sürət 90 km/saatdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
