![[b]Ağsuda sel əhaliyə ziyan vurdu[/b]](https://lent.az/site/assets/images/breaking-news/lentaz.png)
Son günlər yağan leysan yağışları Ağsu rayonunda bir sıra fəsadlar törədib. APA-nın yerli bürosunun xəbərinə görə, dünən axşam saatlarında Ağsu cayı bir neçə istiqamətdə öz məcrasından çıxaraq Maşadqanlı kəndinin yolunu tamamilə dağıdıb. Nəticədə kəndin 1500 nəfər sakininin rayon mərkəzi ilə nəqliyyat əlaqəsi tamamilə kəsilib. Yolun dağılması nəticəsində kəndin elektrik və rabitə dirəkləri aşıb, içməli su və qaz xətti qırılaraq sıradan cıxıb. Bundan başqa çaya gələn güclü sel kəndin suvarma kanallarını da dağıdıb.
Vəziyyətlə bağlı rayonun rəhbər şəxləri hadisə yerində olub və sakinlərlə görüşüb. Yaxın vaxtlarda yolun yenidən bərpa olunması istiqamətində işlərə başlanılacağı qeyd olunub.
Kəndə müvəqqəti gediş-gəlişi bərpa etmək üçün hazırda əraziyə texnikalar cəlb olunaraq alternativ yol çəkilişi aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
