“Mançester Yunayted” klubu PSJ-nin hücumçusu Zlatan İbrahimoviçi heyətinə qatmaqda israrlıdı. Apasport.az saytı xarici mətbuata istinadən xəbər verir ki, “mankunianlar” 34 yaşlı futbolçuya yeni təklif göndəriblər.
Yayda PSJ-ni tərk edəcək “İbrakadabra” Mançesterə köçməyə razılıq versə, ildə 15 milyon avro məbləğində maaş alacaq. Lakin ulduz futbolçu hələ yekun qərarını açıqlamayıb.
“Mançester Yunayted”lə yanaşı, “Yuventus”, “Milan” və “Çelsi”nin də İbrahimoviçlə maraqlandığı haqda xəbərlər yayılıb.
Qeyd edək ki, 2012-ci ildən PSJ-də çıxış edən İbrahimoviç cari mövsümdə ümumilikdə 40 oyunda 35 qola imza atıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
