![“Deputatın qızı iynəni arvadımın qarnında saxlamışdı” - Şikayət](https://lent.az/site/assets/images/breaking-news/lentaz.png)
“Deputatın qızı iynəni arvadımın qarnında saxlamışdı” - Şikayət
Sabirabad rayon sakini Vüsalə Abdullayeva qeysəriyyə əməliyyatı zamanı həkim səhlənkarlığına məruz qaldığını iddia edib. Lent.az-ın qafqazinfo-ya istinadəm məlumatına görə, bu barədə onun həyat yoldaşı Müşfiq Əhədov məlumat verib.
O qeyd edib ki, 2016- cı ilin iyun ayında həyat yoldaşı Sabirabad rayon doğum evində qeysəriyyə əməliyyatı olub:
“Əməliyyatı ginekoloq Günay Xəlilova edib. Bir neçə aydan sonra yoldaşımın vəziyyəti pisləşdi. Biz bir neçə həkim müayinələrində olduq. Səhhətinin pisləşməsinin səbəbi tapılmırdı. Fevral ayında Bakı Medical Hospitalda analiz verdik. Nəticədə yoğun bağırsaqda səpkilər olduğu üzə çıxdı. Rentgen müayinəsində müəyyən olundu ki, qeysəriyyə əməliyyatı zamanı həkim tikiş iynəsini içəridə qoyub. Leyla Şıxlinskaya klinikasında həkim Rəşad Babayev tərəfindən yoldaşım təkrar əməliyyat olundu və içəridə qalmış iynə çıxarıldı. Biz bundan sonra Günay Xəlilova ilə əlaqə saxladıq və əməliyyat zamanı səhvə yol verdiyini dedik. Bu işdə bizə köməklik etməsini, dəyən ziyanı ödəməsini və məsuliyyətini dərk etməsini xatırlatdıq. Ancaq o, bütün vasitələrlə məsuliyyətdən yayındı. Günay Xəlilova cərraha da təzyiqlər göstərməyə başladı. Onu işdən çıxaracağı ilə hədələdi. Günay Xəlilova atasının deputat səlahiyyətlərindən istifadə edərək hər kəsi hədələyir və bizə köməklik göstərmir. Məsələ ilə bağlı Sabirabad rayon Prokurorluğuna ərizə ilə müraciət etmişəm. Bildirim ki, Günay Xəlilova hazırda Elmi Tədqiqat Mamalıq və Ginekologiya İnstitutunda işləyir”.
G. Xəlilova isə bildirib ki, qarşı tərəfin iddiaları yalandır: “Mən həkim adamam, onlara ayıracaq vaxtım yoxdu. Ürəyiniz necə istəyir, elə də yazın. Başdanxarab adamlardır, nəyəsə, kiməsə güvənirlər. Nə eləmək istəyirlərsə, gedib etsinlər. Mən də insanam, o qədər öhdəliklərim var. Onlar axı kimdir ki, mən onlara görə bu qədər əsəb keçirtməliyəm?”
G.Xəlilova rəsmi qurumların məsələ ilə bağlı araşdırma apardığını deyib:
“Mən əməliyyat zamanı pasiyentin qarnının içində iynə qoymamışam. Sonradan onları müayinəyə çağırdım, gəlmədilər. Kiminlə, nə uydurublarsa, özlərinin problemidir. Bu işlə bağlı dövlət qurumları – prokurorluq, ekspertiza, nazirlik məşğul olur. Mən həmkarım Rəşid Babayevlə də əlaqə saxlamışam. O, əməliyyat zamanı iynə çıxartdığını demədi. Bu adamların isə nəyə əsaslanıb belə dediklərini bilmirəm. Mən artıq bu problemdən yorulmuşam, başqa işlərim var”.
Qeyd edək ki, G. Xəlilova Milli Məclisin deputatı Mirzəcan Xəlilovun qızıdır.
![avatar](/storage/authors/46742033_Lent.az - Facebook profile picture.png)
Oxşar yazılar
![Göygöldə DƏHŞƏT: Oğul anasını bıçaqladı](https://lent.az/storage/news/2024/july/26/big/66a3c5e14736e66a3c5e147370172200905766a3c5e14736566a3c5e14736a.jpg)
Göygöldə DƏHŞƏT: Oğul anasını bıçaqladı
26 iyul 2024 , 19:48![Büroda vəkilin meyiti tapıldı - başından vurulub](https://lent.az/storage/news/2024/july/26/big/66a3b13d3fa6566a3b13d3fa6817220037734447cfb40efac2e199259b3cd6724fb3.jpg)
Büroda vəkilin meyiti tapıldı - başından vurulub
26 iyul 2024 , 19:46![Sumqayıtda yaşayış binasında yanğın oldu](https://lent.az/storage/news/2024/july/26/big/66a3bf70e406066a3bf70e4061172200740866a3bf70e405a66a3bf70e405d.jpeg)
Sumqayıtda yaşayış binasında yanğın oldu
26 iyul 2024 , 19:22![“Bandotdel”dən XÜSUSİ ƏMƏLİYYAT: 7 nəfər saxlanıldı -VİDEO](https://lent.az/storage/news/2024/july/26/big/66a3b91f9f22a66a3b91f9f22b172200579166a3b91f9f22466a3b91f9f227.jpg)
“Bandotdel”dən XÜSUSİ ƏMƏLİYYAT: 7 nəfər saxlanıldı -VİDEO
26 iyul 2024 , 18:54![Uşaq baxçasında kütləvi ZƏHƏRLƏNMƏ](https://lent.az/storage/news/2024/july/26/big/66a3a2a141a3f66a3a2a141a41172200003366a3a2a141a3966a3a2a141a3d.jpg)
Uşaq baxçasında kütləvi ZƏHƏRLƏNMƏ
26 iyul 2024 , 18:41![1000-ə yaxın miqrant Rusiyadan qovulur](https://lent.az/storage/news/2024/july/26/big/66a39f5ee36a166a39f5ee36a2172199919866a39f5ee369b66a39f5ee369e.jpg)
1000-ə yaxın miqrant Rusiyadan qovulur
26 iyul 2024 , 17:49![Polis rəisi və ermənilərlə əlbir olan azərbaycanlı TUTULDU](https://lent.az/storage/news/2024/july/26/big/66a339229862766a3392298628172197302666a339229862166a3392298624.jpg)
Polis rəisi və ermənilərlə əlbir olan azərbaycanlı TUTULDU
26 iyul 2024 , 16:57![Keçmiş nazir barın yanında öldü](https://lent.az/storage/news/2024/july/26/big/66a396d3e7eab66a396d3e7eac172199701166a396d3e7ea666a396d3e7ea9.jpg)