6 ton narkotik bitki yandırdılar

Qaxda külli miqdarda narkotik tərkibli bitki məhv edilib. Qax rayon Polis Şöbəsindən APA TV-yə verilən məlumata görə, Qax RPŞ-nin əməkdaşları narkotik tərkibli bitkilərin bitdiyi ərazilərin müəyyən edilərək məhv edilməsi istiqamətində “XAŞXAŞ-2013” şərti adı altında növbəti əməliyyat-axtarış tədbiri keçirib. Keçirilmiş tədbir nəticəsində rayonun Qıpçaq kənd yaxınlığındakı meşə zolağının boş istifadəyə olunmayan 5 hektar ərazisində yabanı halda bitmiş narkotik tərkibli bitki olan çətənə kolu aşkarlanıb. Qax RPŞ-nın əməkdaşları və Qıpçaq kənd sakinlərinin iştirakı ilə ərazidən ümumi sayı 16500 ədəd olmaqla 5700 kq narkotik tərkibli bitki olan çətənə kolu yığılaraq yandırılma yolu ilə məhv edilib.

Qax RPŞ-dən APA TV-yə verilən məlumata görə, 2013-cü il ərzində rayonun müxtəlif ərazilərində Fıstıqlı,Süskənd,Cəlayır və Qıpçaq kəndlərində ümumilikdə 16378 kq narkotik tərkibli çətənə kolları yandırma yolu ilə məhv edilib.Yabanı halda bitən narkotik tərkibli bitkilərin yerinin müəyyən edilərək dövriyyədən çıxarılması istiqamətində tədbirlər davam etdirilir.