FHN əməkdaşları 2 azyaşlını xilas edib

FHN əməkdaşları bağlı qapı arxasında qalmış iki azyaşlını xilas edib.

Lent.az nazirliyin saytına istinadən xəbər verir ki, Fövqəladə Hallar Nazirliyinin Böhran Vəziyyətlərində İdarəetmə Mərkəzinə, Abşeron rayonu, Xırdalan şəhərində mənzildə 2 azyaşlının bağlı qapı arxasında köməksiz vəziyyətdə qalması barədə məlumat daxil olub. Dərhal FHN-nin Xüsusi Riskli Xilasetmə Xidmətinin xilasediciləri hadisə yerinə cəlb olunaraq mənzilin qapısını açıb və uşağları aidiyyəti üzrə təhvil verib. Əməliyyat saat 12:39-da başa çatıb.