10 yaşlı uşaq kanalda boğulub - YENİLƏNİB

Şirvanda 10 yaşlı uşaq kanalda boğulub.

Şirvan şəhər Polis Şöbəsindən APA-nın Mil-Muğan bürosuna verilən məlumata görə, bu gün səhər saatlarında Şirvan şəhər sakini, 1 May küçəsində yaşayan 2004-cü il təvəllüdlü Hümbətov Kamran Qədir oğlunun meyiti Şirvan şəhəri ərazisindən keçən Baş Şirvan kollektorundan çıxarılıb.

Məlumata görə, Kamran Hümbətov iyunun 26-da kanalın sahilində oynayarkən sürüşərək suya düşüb. Bu gün səhər saatlarında onun meyiti tapılaraq müayinə olunmaq üçün Şirvan Məhkəmə Tibbi Ekspertizası və Patoloji Anatomiya Şöbəsinə aparılıb.

Faktla bağlı Şirvan şəhər Prokurorluğunda araşdırma aparılır.