Terrora haqq qazandıran azərbaycanlı 15 il azadlıqdan məhrum edildi

Hərbi məhkəmə məhbus yoldaşları ilə təxribat xarakterli söhbətlərə görə artıq məhkum olunmuş şəxsin cəza müddətini uzadıb.

Lent.az xarici KİV-ə istinadən məlumat verir ki, Novosibirsk şəhərinin İkinci Şərq dairə hərbi məhkəməsi Azərbaycan vətəndaşı Elnur Əhmədovu Beslanda məktəbi və Moskvada Dubrovka teatr mərkəzini ələ keçirərkən terrorçuların əməllərinə bəraət qazandırdığına görə 15 il müddətinə azadlıqdan məhrumetmə cəzasına məhkum edib.

Barabinsk məhkəməsinin hökmündən sonra Əhmədov artıq Krasnoyarsk diyarındakı həbsxanalardan birində cəza çəkir. Onun nəyə görə mühakimə olunduğu hərbi məhkəmənin bəyanatında göstərilmir. Amma Əhmədov digər məhbuslarla söhbət edərək cəzasını uzadıb, terrorçuların hərəkətlərinə heyran olub və onları hər şeydə onları təqlid etməyə çağırıb.

Məhkəmə həbs müddətini artırmaqla yanaşı, Elnur Əhmədovdan 500 min rubl məbləğində (6 min dollardan çox) cərimə ödəməsi ilə də bağlı qərar çıxarıb.