Bir çox Qərb avtomobil istehsalçıları yeddi ilə qədər və ya müəyyən bir yürüşə qədər zəmanət təklif edirlər.
Lent.az-ın xarici mediaya istinadən xəbərinə görə, Çin avtomobil istehsalçılarının modellərinə verdiyi yeni zəmanətlər sərt rəqabətlə üzləşən Avropa avtomobil istehsalçılarını təəccübləndirir.
Qeyd olunur ki, Çin avtomobil istehsalçıları, xüsusən də elektrikli avtomobillər seqmentində öz dominantlıqlarını təsdiqləməyə çalışdıqları üçün Qərbdə narahatlıq doğurur. Bundan əlavə, Çin istehsalçıları Avropa brendləri ilə yalnız aşağı qiymətlər və qabaqcıl texnologiya ilə deyil, həm də uzunmüddətli zəmanətlər vasitəsilə rəqabət aparmaq niyyətindədirlər.
Çin şirkətləri Omoda və Jaecoo, yeddi illik yol kənarı yardımı da daxil olmaqla, nəqliyyat vasitələrinə yeddi illik, məhdudiyyətsiz yürüş zəmanəti təqdim ediblər.
Qeyd edilir ki, bir çox avtomobil istehsalçıları yeddi ilə qədər və ya müəyyən bir yürüş məsafəsinə qədər zəmanətlər təklif edirlər. Lakin Omoda və Jaecoo maksimum yürüş məsafəsini məhdudlaşdırmamaq qərarına gəliblər.
Məlumatda əlavə edilib ki, bir çox digər istehsalçılar daha təvazökar zəmanətlər təklif edirlər. Məsələn, Tesla dörd illik və ya 50.000 mil (80.000 kilometr) zəmanət təklif edir. İsveç brendi Polestar üç illik, Volkswagen isə ən əlverişli modellərinə üç illik və ya 60.000 mil (96.500 kilometr) zəmanət təklif edir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
