Rövşən Əkbərov
03 sentyabr 2021 15:47 (UTC +04:00)

Rövşən Əkbərov

Rövşən Əkbərovun oğlu ölkədən qaçdı - VƏKİL AÇIQLADI

Həbsdə olan general Rövşən Əkbərovun oğlu ölkəni tərk edib.

Lent.az-ın məlumatına görə, bu barədə tanınmış vəkil Elçin Sadıqov özünün sosial şəbəkə hesabında məlumat paylaşıb.

O bildirib ki, məlumatı polis şöbəsindən öyrənib:

“Polis şöbəsi ilə əlaqə saxladım. Rövşən Əkbərovun oğlunun mənə hücum etməsi və xəsarət yetirməsi üzrə şikayətimin araşdırılması durumu ilə maraqlandım. Məlum oldu ki, Rövşən Əkbərovun 1990-cı il təvəllüdlü oğlu Telman sentyabrın 2-də ölkəni Türkiyə istiqamətində tərk etdiyindən onun dindirilməsi mümkün olmayıb”.

Qeyd edək ki, bir neçə gün əvvəl Rövşən Əkbərovun oğlu Telman Əkbərovun məhkəmə zalında vəkil Elçin Sadıqova hücum etdiyi barədə məlumat vermişdik. O, bu barədə Yasamal rayon Polsi İdarəsinin 27-ci Polis Şöbəsinə müraciət edib.

1 2 3 4 5 İDMAN XƏBƏRLƏRİ
# 6084
avatar

Mehman Nəbiyev

Oxşar yazılar