Polis Sankt-Peterburqun cənub-qərbində yoldan keçəni tapança ilə hədələyən 39 yaşlı kollec müəllimini saxlayıb.
Lent.az-ın xarici mediaya istinadla məlumatına görə, hər şey dekabrın 24-nə keçən gecə baş verib. Yerli sakin hüquq-mühafizə orqanları ilə əlaqə saxlayıb və əlində silah olan şəxsin onu hədələdiyini bildirib. Təhlükəsizlik qüvvələrinin gəlməsinə az qalmış müəllim havaya bir dəfə atəş açmağa müvəffəq olub və qaçmağa cəhd edib, lakin polis onu saxlayaraq şöbəyə aparıb.
Dindirilmə zamanı məlum olub ki, həmin şəxsin “SHARK” tipli tapança və 12/76 çaplı “ATA ARMS” hamar lüləli ov tüfəngi üçün icazə sənədləri olub. Saxlanılan şəxsin davranışına konkret nəyin səbəb olduğu indi aydınlaşdırılır. Cinayət işinin başlanması məsələsi həll edilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
