Ağcabədidə qadın özünü Yuxarı Qarabağ kanalına atdı - YENİLƏNİB

Ağcabədidə kanalda batan qadının intihar etdiyi məlum olub.

Lent.az-ın əldə etdiyi məlumata görə, rayon sakini 30 yaşlı Qurbanova Sahilə Novruz qızı özünü Yuxarı Qarabağ kanalına ataraq, həyatına son qoyub.

İntiharın səbəbləri isə hələlik bəlli deyil. Hazırda onun meyitinin sudan çıxarılması istiqamətində axtarış tədbirləri keçirilir.

***
Saat: 16:19

Yuxarı Qarabağ kanalında batan şəxsin kimliyi bilinib.

Bu barədə Lent.az-a FHN-dən bildirilib.

Məlumata görə, dərhal hadisə yerinə cəlb edilən Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu kanalda batması ehtimal edilən 30 yaşlı Qurbanova Sahilə Novruz qızının axtarışlarına başlayıblar.

Hazırda vətəndaşın batdığı ehtimal edilən istiqamətlərdə axtarış-xilasetmə tədbirləri davam etdirilir.

***

Saat: 11:21

Ağcabədi rayonunda bir nəfər kanalda batıb.

Fövqəladə Hallar Nazirliyindən Lent.az-a verilən məlumata görə, "112" qaynar telefon xəttinə Yuxarı Qarabağ kanalının Ağcabədi şəhəri ərazisindən keçən hissəsində 1 nəfərin batması barədə məlumat daxil olub.

Məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupunun dalğıc-xilasediciləri axtarışlara cəlb olunublar.

Əlavə məlumat veriləcək.