40-dan çox insan içməli sudan  ZƏHƏRLƏNDİ
30 iyun 2023 10:21 (UTC +04:00)

40-dan çox insan içməli sudan ZƏHƏRLƏNDİ

Çernoqorsk şəhərində 40-dan çox insan içməli sudan zəhərlənib.

Lent.az Rusiya mediasına istinadla bildirir ki, araşdırmalara görə, şəhərdə mərkəzləşdirilmiş su təchizatının təmiri zamanı sistem sanitar normaları pozaraq işə salınıb. Xüsusən də, mütəxəssislər Rusiya regionunda mayenin keyfiyyətinə ilkin nəzarəti həyata keçirməyiblər.

Su nümunələrində müəyyən sanitar və mikrobioloji təhlükəsizlik göstəricilərinə görə suda uyğunsuzluq aşkar edilib. Eyni zamanda, 2023-cü il mayın 22-dən 31-dək olan müddətdə 40-dan çox yerli sakin kəskin bağırsaq infeksiyası əlamətləri ilə tibb təşkilatına müraciət edib.

Kütləvi xəstəlik və ya zəhərlənmə ilə nəticələnən sanitar-epidemioloji qaydaların pozulması maddəsi ilə cinayət işi açılıb.

# 1497
avatar

Oxşar yazılar