Çoban 15 yaşlı qızı çarpayısında güllələyibmiş
08 iyun 2009 14:00 (UTC +04:00)

Çoban 15 yaşlı qızı çarpayısında güllələyibmiş

Niyaməddin Yusifovun Nişanəni öldürməsinin səbəbləri bəlli oldu

Yevlax rayonunda baş verən dəhşətli qətlin detalları məlum olub. Yevlax rayon Prokurorluğundan Lent.az-a verilən məlumata görə, Niyaməddin Yusifovun Nişanə Hüsənlini öldürməsinə səbəb onun qız tərəfindən rədd edilməsi olub. Qızın onu sevməyərək rədd etdiyini görən N.Yusifov onu öldürmək üçün xüsusi plan cızıb. İyunun 7-də saat 22.00 radələrində o, N.Hüsənlinin yaşadığı evə gedərək onun yatdığı otağa daxil olub. Otaqda, konkret olaraq yatdığı çarpayıda qızın başına ov tüfəngi ilə atəş açan qatil daha sonra hadisə yerindən uzaqlaşıb. O, qəbiristanlıqda gizlənib.

Qeyd edək ki, Yevlax rayonunun Hürüuşağı kənd sakini, 10-cu sinif şagirdi 1993-cü il təvəllüdlü Nişanə Hüsənli yaşadığı evdə həmin kənddə çobanlıq edən Şəki rayonu Böyük Dəhnə kənd sakini 1983-cü il təvəlüdlü 26 yaşlı Niyaməddin Yusifov tərəfindən ov tüfəngi ilə başından vurulmaqla qətlə yetirilib. N.Yusifov Yevlax rayon Polis Şöbəsi əməkdaşları tərəfindən tutularaq istintaqa təhvil verilib. Faktla bağlı rayon prokurorluğunda Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanıb.

Pərvin ABBASOV
# 497

Oxşar yazılar