Toyuq oğrusu ev yiyəsini güllələdi
06 dekabr 2010 10:48 (UTC +04:00)

Toyuq oğrusu ev yiyəsini güllələdi

Qusar rayonun Çiləgir kəndində 35 yaşlı Bəhmən Hacıyevə tüfəngdən atəş açılıb. Dekabrın 6-da səhərə yaxın o, həyətdən səs-küy eşidərək çölə çıxıb və tanımadığı şəxsin həyətdə toyuqları aparmaq istədiyini görüb. Ev yiyəsini görən “qonaq” qaçmağa başlayıb.

Bəhmən Hacıyev onu tutmağa cəhd göstərərkən oğru ov tüfəngindən ona atəş açıb. Yaralanan ev yiyəsi Qusar Rayon Mərkəzi Xəstəxanasına çatdırılıb.

Xəstəxanadan Lent.az-a verilən məlumata görə, xəstənin həyatı üçün təhlükə yoxdur.

Qusar Rayon Polis Şöbəsindən Lent.az-a bildiriblər ki, silahlı oğru 6 toyuq apara bilib. Onu yaxalamaq hələlik mümkün olmayıb.

Faktla bağlı araşdırmalar davam etdirilir.

Vəli Turan
1 2 3 4 5 İDMAN XƏBƏRLƏRİ
# 590

Oxşar yazılar