Sabiq Rüstəmxanlını hədələyən nardaranlıların istintaqı yekunlaşıb

Cinayət işinin materialları məhkəməyə göndəriləcək

Bakının Nardaran qəsəbəsinin sakinləri Hacı Əli Hüseynov və Hacı Hikmət Vəliyevin cinayət işi üzrə ibtidai istintaq başa çatıb.

Ə. Hüseynovun vəkili Əlövsət Ağamoğlanov APA-ya bildirib ki, ibtidai istintaq hərəkətləri yekunlaşıb, Milli Məclisin deputatı Sabir Rüstəmxanlının da ifadəsi alınıb. İstintaq materialları fevralın 27-də baxılmaq üçün Sabunçu rayon Məhkəməsində göndəriləcək.

Qeyd edək ki, 2009-cu il yanvarın 9-da Nardaran qəsəbəsində keçirilən mitinq zamanı Vətəndaş Həmrəyliyi Partiyasının sədri, Milli Məclisin deputatı Sabir Rüstəmxanlının öldürülməsinə dair səslənmiş hədələrlə bağlı Sabunçu rayon Prokurorluğu tərəfindən Cinayət Məcəlləsinin 134-cü (öldürməklə və ya sağlamlığa ağır zərər vurmaqla hədələmə) maddəsi ilə fakt üzrə cinayət işi başlanılıb. Əməliyyat-axtarış tədbirləri nəticəsində yanvarın 24-də Nardaran sakinləri Hacı Əli Hüseynov, fevralın 3-də isə Hacı Hikmət Vəliyev şübhəli şəxs qismində saxlanılıblar.