Bakıda yaşayış binasında partlayıcı aşkarlandı

Lent.az-ın Fövqəladə Hallar Nazirliyinin saytına istinadən verdiyi məlumata görə, “112” qaynar telefon xəttinə Bakı şəhəri, Nərimanov rayonu , Azadlıq prospekti 144 ünvanında partlayıcı qurğu aşkarlanması barədə məlumat daxil olub. Dərhal FHN-in mütəxəssisləri və müvafiq xilasetmə qüvvələri lazımi tədbirlərin görülməsi üçün hadisə yerinə cəlb edilib, aidiyyəti qurumlar məlumatlandırılıb. Nazirliyin mütəxəssisləri hadisə yerinə baxış keçirən zaman bir ədəd istifadəyə yararsız “F-1” markalı əl qumbarası aşkar edib və aidiyyəti üzrə təhvil verilib. Həmçinin hüquq mühafizə orqanlarının əməkdaşları ilə birgə ərazidə müvafiq təhlükəsizlik tədbirləri görüb.

Nərimanov rayon Polis İdarəsindən Lent.az-a bildirilib ki, qumbara 5 mərtəbəli yaşayış binasında aşkarlanıb. Fakt üzrə araşdırmalar aparılır.