Qış aylarında mətbəx evdə rütubətin əsas mənbəyinə çevrilir, çünki yemək bişirmə prosesi daha intensiv olur. Mütəxəssislər əlavə isitmə olmadan kondensatı azaltmağın və kifin yaranmasının qarşısını almağın yollarını izah ediblər.
Lent.az xarici mediaya istinadla xəbər verir ki, rütubət, kondensat və hətta kif qışda mətbəxdə tez-tez rast gəlinən problemlərdir, xüsusilə də bayram günlərində aktiv yemək bişirildikdə. Lakin nəmişlikdən əlavə isitmə olmadan da xilas olmaq mümkündür, bunun üçün gündəlik vərdişlərdə bir neçə sadə dəyişiklik kifayətdir.
Mütəxəssislərin sözlərinə görə, kondensat isti və rütubətli havanın soyuq səthlərdə pəncərələrdə, divarlarda və ya mətbəx dolablarında toplanması nəticəsində yaranır. Qışda vəziyyəti daha da ağırlaşdıran əsas amil yemək bişirmə prosesidir: qazanlardan və sobadan çıxan buxar otaqdakı rütubət səviyyəsini kəskin şəkildə artırır.
Ən sadə üsuldan başlamaq tövsiyə edilir. Qazanların üzərini qapaqla örtmək. Bu, havaya yayılan buxarın miqdarını azaldır, eyni zamanda yeməklərin daha tez bişməsinə və enerjiyə qənaət etməyə kömək edir. İkinci addım yemək bişirərkən mütləq aspiratordan istifadə etmək və işi bitirdikdən sonra onu daha 10-15 dəqiqə açıq saxlamaqdır.
Üçüncü üsul isə müntəzəm havalandırmadır. Açıq pəncərə artıq rütubətin çıxmasına kömək edir, mətbəxin qapısının bağlı saxlanması isə nəmişliyin evin daha soyuq otaqlarına yayılmasının qarşısını alır.
Hava nə qədər quru olarsa, səthlərdə kondensatın və sonradan kifin yaranma ehtimalı da bir o qədər azalır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
