Ekspertlər bəzi otaq bitkilərini xüsusilə faydalı hesab edirlər. Çünki onlar bioloji aktiv maddələr ifraz edir, otaqdakı havanın vəziyyətini yaxşılaşdırır və insan sağlamlığına müsbət təsir göstərir.
Lent.az xarici mediaya istinadla xəbər verir ki, bu bitki “qayınana dili” adı ilə də tanınır. Az adam bilir ki, sansevieriya havanı immun sistemini dəstəkləyən maddələrlə aktiv şəkildə zənginləşdirir. Bundan əlavə, o, məkanı toksinlərdən və zərərli qarışıqlardan effektiv şəkildə təmizləyərək ümumi hava keyfiyyətini yaxşılaşdırır.
Rozmarin
Əksər hallarda rozmarin kulinariya ədviyyəsi kimi tanınır, lakin otaq bitkisi kimi də az fayda vermir. O, bakteriyaların, virusların, kif və göbələklərin havadakı miqdarını azaltmağa kömək edən efir yağları ifraz edir.
Rozmarin allergiyaya meyilli və bronxial astmadan əziyyət çəkən insanlar üçün xüsusilə faydalıdır, çünki tənəffüs yollarını və ağciyərləri sağlamlaşdırır, allergik reaksiyaların tezliyini azalda bilər.
Asparagus
Bu otaq bitkisini tez-tez soyuqdəymə ilə üzləşən insanlara evdə saxlamaq tövsiyə olunur. Asparagus immuniteti dəstəkləyir və hava mühitində virus və bakteriyaların aktivliyini zəiflədən maddələr ifraz edir.
Limon ağacı
Otaq limonu güclü fitonsid xüsusiyyətlərə malikdir və efir yağları ilə zəngindir. Bu xüsusiyyətlər sayəsində bitki immun müdafiəni gücləndirir, sinir sisteminə müsbət təsir göstərir və məkanı təhlükəli mikroorqanizmlərdən təmizləməyə kömək edir.
Peperomiya
Peperomiya xüsusilə uşaqların tez-tez xəstələndiyi evlər üçün faydalı hesab olunur. O, havanı yaxşı təmizləyir və stafilokoklar, streptokoklar və sarsinalar kimi bakteriyaların inkişafını boğa bilir.
Otaq mərsini (mirt)
Mirt güclü sağlamlaşdırıcı təsiri ilə tanınır. Hesab edilir ki, onun təsir radiusu 50 metrədək çata bilər. Bitki müxtəlif infeksion xəstəliklərin törədicilərini neytrallaşdırmağa kömək edən efir yağları ifraz edir.
Mütəxəssislər nanə və lavandanın da faydasını vurğulayırlar. Bu bitkilər havanı sakitləşdirici aromatik maddələrlə zənginləşdirir, sinir sistemini rahatladır, dincəlməyə kömək edir və yuxunun daha dərin və keyfiyyətli olmasına şərait yaradır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
