Şimali Koreya Xalq Demokratik Respublikasının Müdafiə Nazirliyi Cənubi Koreya ilə imzaladığı 60 illik barışıq müqaviləsindən çıxdığını təsdiqləyib.
Lent.az-ın məlumatına görə, dövlət televiziyası martın 13-də nazirliyin məsələyə dair rəsmi bəyanatını yayıb.
Şimali Koreyanın 1953-cü ildə əldə edilmiş razılaşmadan çıxdığını ilk olaraq, bazar ertəsi rəsmi dövlət qəzeti yayıb. Rəsmi Pxenyan öz hərəkətini ABŞ-la Cənubi Koreyanın başladığı birgə hərbi təlimlə əlaqələndirib.
Xatırladaq ki, BMT-nin Təhlükəsizlik Şurası ötən cümə axşamı Şimali Koreyaya qarşı yeni sanksiyalar tətbiq etdikdən sonra Pxenyan düşmənlərini müharibə ilə hədələyir.
Sanksiyalara səbəb isə onun ötən ay yeni nüvə sınağı keçirməsi olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
