Rusiya və ABŞ-da qar və sərt şaxta ciddi problemlərə yol açıb.
Lent.az-ın İTAR-TASS agentliyinə istinadən verdiyi məlumata görə, Rusiya Fövqəladə Hallar Nazirliyi ölkənin mərkəz, cənub və şimal-qərbində 8 regionda yolların buz bağlaması ilə bağlı sürücülərə xəbərdarlıq edib.
Bryansk, Kursk, Smolensk, Tula, Moskva, Kalmıkiya, Volqoqrad və Leninqrad vilayətlərində vəziyyət daha mürəkkəbdir. Rusiya ilə bərabər dünən səhərdən başlayaraq yağan və hər saat güclənən qar ABŞ-ın şimal-şərq ştatlarında çətin vəziyyət yaradıb. Bir çox yerlərdə qarın hündürlüyü 60 sm-ə çatır. Konnektikut, Rod-Aylend və Massaçusets ştatlarından sonra Nyu-York və Nyu-Qempşir ştatlarında da fövqəladə vəziyyət elan olunub. Bu ştatlarda elektrik enerjisi təchizatında ciddi problemlər yaşanır. ABŞ-da əlverişsiz hava şəraiti ilə əlaqədar 4 mindən çox aviareys təxirə salınıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
