Moldova və ABŞ hərbçiləri ölkədə 3-20 may tarixlərində keçiriləcək “Dragon Pioneer-2016” hərbi təlimlərdə iştirak edəcəklər. APA-nın məlumatına görə, bu barədə “RİA Novosti”yə Moldova Müdafiə Nazirliyinin mətbuat katibi Alla Diakonu bildirib.
“Təlimlərdə ABŞ kavaleriya alayının (USAREUR – ABŞ-ın Avropadakı quru qoşunlarının tərkibindədir) 198 hərbçisi və Milli ordunun istehkamçı batalyonundan, 22-ci sülhməramlılar batalyonundan, həmçinin, Moldova Milli Ordunun 1-ci, 2-ci və 3-cü briqadalarından 165 hərbçi iştirak edəcəklər”, - deyə Diakonu bildirib.
Onun sözlərinə görə, taktiki manevrlər istehkamçı bölmələrin ümumi hazırlığına, iki ordu arasında qarşılıqlı fəaliyyət səviyyəsinin artırılmasına yönəlib.
Diakonu qeyd edib ki, “Dragon Pioneer-2016” təlimlərinə ABŞ ordusunun 58 ədəd hərbi texnikası və Moldova ordusunun 40-dək istehkamçı və təminat maşınları cəlb olunacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
