Latviya prezidenti Andris Berzinş baş nazir vəzifəsinə Laymdot Strauyumu təyin edib.
Lent.az-ın «RİA Novosti»-yə istinadən məlumatına görə, onun namizədliyini ölkədəki ən nüfuzlu Birlik Partiyası irəli sürüb.
L.Strauyum Latviya tarixində ilk qadın hökumət başçısı olacaq. Onun namizədliyini parlament də təsdiqləməlidir.
Laymdot Strauyum 1951-ci il fevralın 24-də anadan olub. Latviya Universitetinin fizika –riyaziyyat fakültəsini bitirib. Bank sahəsində və çeşidli dövlət qurumlarında çalışıb. 1997-ci ildə Britaniya Kənd Təsərrüfatı İnstitutunun fəxri üzvü seçilib.
Ana dili latışca ilə yanaşı, rus və ingilis dillərini də bilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
