İkiyaşlı qız zəng edərək polisdən yardım istədi

Amerikanın Cənubi Karolina ştatında ikiyaşlı qız şalvarını geyinə bilmədiyi üçün köməyə polis çağırıb.

Lent.az-ın “oxu.az”-a istinadən məlumatına görə , bu barədə “CBS News” məlumat yayıb.

İkiyaşlı Aliyadan polis bölməsinə zəng daxil olub. Polis nümayəndəsi Marta Lones bildirib ki, xəttin o biri başında uşaq səsi olmasına baxmayaraq, polislər hər şeyin qaydasında olmasını yoxlamaq qərarına gəliblər.

“Qapılar açıldıqda və şalvarını yarımçıq geyinmiş balaca qızın bizim tərəfə qaçıb “Salam” dedikdə təəccübümüzü təsvir edə bilmirik”, - Lones bildirib.

Qadın zabit ona geyinməkdə yardım edib, təşəkkür olaraq isə balaca qız onu qucaqlayıb.

Aliyanın anası Pebbles Rayan evə gəldikdə baş verənlərdən xəbər tutarkən qızına yardıma ehtiyacı olarsa, mobil telefonla zəng etməyi öyrətdiyini deyib.

“Biz nömrələri öyrənirdik, amma onun bunu bacarmasına təəccübləndim”, - qadın etiraf edib.

Qeyd edilib ki, anasının evdə olmamasına baxmayaraq, uşaq tək olmayıb.