Ukraynanın şərqində gedən döyüşlər yenidən şiddətlənib. Donetsk şəhəri gecə saatlarından başlayaraq, artilleriya atəşinə məruz qalıb. APA TV-nin Ukrayna saytlarına istinadən verdiyi məlumatında şəhərin demək olar ki, hər yerinə mərmilərin düşdüyü qeyd olunur. Bu xəbərləri Donetsk Şəhər Soveti də təsdiqləyib. Artilleriya atəşi nəticəsində Donetskin elektrik enerjisi təchizatı sistemi məhv edilib. Şəhərdə 33 transformator stansiyası dağıdılıb. Qəza briqadalarının hadisə yerlərinə gəldiyi bildirilsə də, onların fakt qarşısında aciz qaldığı vurğulanır. Ukraynanın rəsmi saytlarında separatçıların şəhəri ağır artilleriyadan atəşə tutacağı ehtimalı da vurğulanır.
Bu arada üç gün əvvəl Donetskdə məktəbə düşən mərminin partlaması nəticəsində ölən şagirdlərin dəfn mərasimi keçirilib. Rəsmi Kiyevin mərminin separatçıların nəzarət etdiyi ərazilərdən atıldığını sübut edən fotokadrlar yaymasına baxmayaraq, ölən məktəblilərin ailələri hadisənin baş verməsində hökuməti qınayıblar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
