Dağıstanda öldürülən silahlılar irimiqyaslı terror aktları planlaşdırıblarmış

Mahaçqala yaxınlığında, silahlıların ötən gün məhv edildiyi ərazidə silah-sursat anbarı aşkarlanıb. APA-nın məlumatına görə, bu barədə “Gazeta.ru”ya Rusiya Milli Antiterror Komitəsindən (RMAK) bildirilib.

“Hadisə yerindən 6 ədəd qumbaraatan, 2 piyadalar əleyhinə reaktiv odsaçan qurğu, 2 pulemyot, 7 avtomat, ovçu karabin tüfəngləri, snayper tüfəngi, çoxlu sayda əl qumbarası, döyüş sursatı, gecə vaxtı müşahidə avadanlığı və hərbi ləvazimat”, - deyə məlumatda bildirilib.

RMAK-ın məlumatına görə, öldürülən silahlılar irimiqyaslı terror aktları planlaşdırıblar.