![[b]Tramp tezliklə İranla bağlı qərarını açıqlayacaq[/b]](https://lent.az/site/assets/images/breaking-news/lentaz.png)
ABŞ prezidenti Donald Tramp tezliklə İranla nüvə razılaşması barədə qərarını açıqlayacaq.
APA-nın xəbərinə görə, bu barədə ABŞ lideri özünün “Twitter” səhifəsində yazıb.
"Mən sabah saat 14:00-da Ağ Evdə İranla razılaşmaya dair qərarımı açıqlayacam", Tramp yazıb.
İranın nüvə proqramı üzrə Hərtərəfli Birgə Fəaliyyət Planı 2015-ci ilin iyul ayında İran və “altılıq ölkələri - Almaniya, Böyük Britaniya, Fransa, Çin, Rusiya və ABŞ arasında qəbul edilib. İyulun 20-də plan BMT Təhlükəsizlik Şurası tərəfindən təsdiq edilib. Razılaşmaya əsasən, İran nüvə silahının əldə edilməsindən imtina edir, qarşılığında isə sanksiyalar tədricən ləğv edilir.
2017-ci ildə ABŞ prezidenti Donald Tramp İranla bağlı yeni strategiyanı elan edib. D.Tramp İranı terrorun maliyyələşdirilməsində ittiham edib, rəsmi Tehranın nüvə razılaşmasının müddəalarını pozduğunu söyləyib, gələcəkdə razılaşmanın pozulmasını istisna etməyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
