Nigeriyada toyda ətrafa pul atan bəy həbs edilib.
Lent.az xarici mediaya istinadla bildirir ki, Nigeriya məhkəməsi Abdullah Musa Hüseyni ölkənin valyutanın qorunması qanununu pozduğuna görə 6 ay həbs cəzasına məhkum edib. İstintaqın məlumatına görə, həmin şəxs toyunda qonaqların qarşısına əskinas atıb.
Bu, nigeriyalıların 2007-ci ildən bəri ölkədə qadağan edilmiş ənənəvi "pul səpilməsi" adlanan cinayətə görə son aylarda mühakimə olunduğu üçüncü işdir. İqtisadi və Maliyyə Cinayətləri Komissiyasının məlumatına əsasən, Hüseyni toy mərasimi zamanı təxminən 100-1000 naira əskinas səpələyib.
Kano federal məhkəməsinin hakimi bəyin hərəkətlərini milli valyutanın qəsdən aşağı salması kimi qiymətləndirib. Məbləğin nisbətən az olmasına baxmayaraq, məhkəmə qanunla nəzərdə tutulmuş maksimum cəza təyin edib.
Rəqs edən qonaqlara pul atmaq ənənəsi uzun müddətdir ki, Nigeriya toylarının və digər bayramların ayrılmaz hissəsi olub. Lakin hakimiyyət bu praktikanı təhqiramiz hesab edərək qadağan edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
