Öcalanın təlim keçdiyi PKK-nın rəhbərlərindən biri məhv edildi

PKK/KCK terror təşkilatının Mərkəzi Komitəsinin üzvü “Emine Erciyes” kod adlı Nazlı Taşpınar məhv edilib.

Lent.az-ın APA-ya istinadla xəbərinə görə, İnterpol tərəfindən “qırmızı bülleten”lə axtarışda olan Nazlı Taşpınar Türkiyə Milli Kəşfiyyat Təşkilatı (MİT) və Türkiyə Silahlı Qüvvələrinin İraqın Qara ərazisində birgə əməliyyatı nəticəsində zərərsizləşdirilib.

O, PKK-nın ən yüksək səviyyəli idarəçiliyində təmsil olunub. Terror təşkilatının lideri Abdullah Öcalan 1994-cü ildə PKK-ya qoşulan N. Taşpınara şəxsən təlim keçib.

N. Taşpınar Türkiyəyə qarşı törədilən terror aktlarını istiqamətləndirib, xüsusilə qadın terrorçuların hazırlanmasında mühüm rol oynayıb.