Kuba Kommunist Partiyası Mərkəzi Komitəsinin birinci katibi Raul Kastro postundan getməyə hazırlaşır.
Lent.az-ın xarici mediaya istinadla verdiyi xəbərə görə, gələn həftənin birinci günü vəzifəsinin varisinə keçəcəyi gözlənilir.
89 yaşlı siyasətçinin partiyanın 8-ci qurultayında iştirakı kastro üçün sonuncu olacaq. Ölkənin hazırkı prezidenti Miqel Dias-Kanelin siyasi rəhbərin varisi olacağı ehtimal olunur. Eyni zamanda, Kastro siyasi elitaya təsirini davam etdirəcək.
Beləliklə, Kubada 1959-cu ildə hakimiyyətə gələn inqilabçı Kastro qardaşlarının hakimiyyətinin uzunmüddətli dövrü sona çatacaq.
Raul Kastro inqilabçı Fidel Kastronun kiçik qardaşıdır. O, 2008-ci ildən 2018-ci ilədək dövlət başçısı olub. 2011-ci ildən Kommunist Partiyasının Mərkəzi Komitəsinə rəhbərlik edir. Raul Kastro 1959-cu il inqilabından sonra 50 il hərbi nazir işləyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
