Ən çox məhbusları olan Avropa ölkələri – SİYAHI

Beynəlxalq həbsxana Araşdırmaları Mərkəzi (ICPS) Avropanın ən çox məhbusları olan ölkələrin reytinqini hazırlayıb.

Lent.az xarici mediaya istinadla bildirir ki, reytinq 100 min nəfərə düşən məhbusların sayına görə müəyyənləşdirilir.

Bir qayda olaraq, ölkədə məhbusların sayına görə cinayətkarlığın səviyyəsi və məhkəmə sisteminin və hüquq-mühafizə orqanlarının ədalət mühakiməsi sahəsində ümumi güzəştsizliyinin dərəcəsi barədə mühakimə yürütmək olar.

Avropada bu göstəriciyə görə lider hər 100 min nəfərə 216 məhkumla Litvadır.
İkinci sırada 189 nəfərlə Polşadır. İlk üçlükdə elə bu qədər məhbusla Slovakiya qərarlaşıb.

Çexiya 176 məhkumla dördüncüdür.

İki digər Baltikyanı ölkə, Latviya 175 azadlıqdan məhrum olunanlarla beşinci, Estoniya 170 məhkumla səkkizinci sıradadır.

Monteneqro 172 məhkumla altıncı, Macarıstan 171 nəfərlə yeddinci sıradadır.
İlk onluqda Albaniya (166) və Malta (153) da var.

Sonrakı yerləri 152 məhkumla Serbiya,131 məhkumla Böyük Britaniya tutur.

İlk iyirmilikdə olan ölkələr: İspaniya 122, Rumıniya 119, Portuqaliya 112, Bolqarıstan 109, Yunanıstan 107, Şimali Makedoniya 105, Avstriya 95, Belçika 93.