Bütün dünyanı bürüyən anomal istilərin SƏBƏBİ TAPILDI

Tədqiqatçılar bu il müşahidə edilən qeyri-adi temperatur anomaliyalarının 2022-ci ilin yanvarında Polineziyadakı Hunqa Tonqa-Hunqa Hapai sualtı vulkanının püskürməsinin birbaşa nəticəsi ola biləcəyini irəli sürüblər.

Lent.az xarici KİV-ə istinadən xəbər verir ki, mütəxəssislər püskürmə zamanı vulkan atmosferə bəşəriyyət tarixində əvvəllər müşahidə olunmayan çoxlu miqdarda su buxarı buraxdığını bildiriblər.

Bundan əlavə, vulkanik küllə müşayiət olunan kükürd dioksidi yerin səthinə buraxılıb. Alimlər iddia edirlər ki, su buxarı termal radiasiyanın güclü uducusudur və onun iqlimə təsiri insan fəaliyyəti nəticəsində yaranan atmosfer çirklənməsi ilə müqayisə edilə bilər.

Modelləşdirmə göstərir ki, bu vulkanın püskürməsinin təsirləri iqlimdə onilliklər ərzində hiss olunacaq, lakin təsir planetin müxtəlif bölgələrində fərqli ola bilər.

Vulkan püskürməsi 21 dekabr 2021-ci ildə başlayıb və 2022-ci il yanvarın 11-dək davam edib, bundan sonra vulkan sakitləşib və adanın eyni adlı bir hissəsi su altında qalıb. Lakin bir həftə sonra vulkan fəaliyyətini bərpa edib və növbəti gün püskürmənin ən yüksək nöqtəsinə çatıb. Püskürmə zamanı atmosfer təzyiqində kəskin dəyişikliklər qeydə alınıb, yeraltı təkanlar episentrdən minlərlə kilometr məsafədə hiss olunub.