Bu şəhərlər suyun altında qalacaq – SİYAHI

“The India Times” qəzeti 2030-cu ildə Yer üzündən yox ola biləcək batmaqda olan şəhərlərin siyahısını hazırlayıb.

Lent.az xarici mediaya istinadla bildirir ki, siyahı “Climate Central” iqlim təşkilatının məlumat xəritəsi əsasında tərtib edilib.

Orada ilk yerdə Amsterdamdır. Siyahı müəlliflərinin fikrincə, hollandiyalılar daşqınlardan qorunmağı öyrəndiklərinə baxmayaraq, şəhəri qlobal istiləşmə səbəbindən su altında qalacaq.

İkinci sırada İraqın liman şəhəri Basradır. Fars körfəzinə axan Şatt əl-Ərəb çayının sahilində yerləşir. O, bataqlıq ərazidə yerləşir və 2030-cu ilə qədər qismən və ya tamamilə su altında qala bilər.

Üçüncü, Yeni Orleandır. Bu şəhərdəki damb sisteminə baxmayaraq, iqlim dəyişikliyindən əziyyət çəkə bilər.

Siyahı hazırlayanların fikrincə, 4-cü Venesiyadır. 118 adada yerləşir və ildə iki millimetr su altında qalır.