Almaniyada 3 atom elektrik stansiyasının fəaliyyəti eyni anda dayandırılır.
Lent.az-ın xəbərinə görə, 1 yanvar 2022-ci il saat 00.00-da (Bakı vaxtı ilə 03.00) 3 AES-in fəaliyyəti dayandırılacaq və onlar elektrik şəbəkəsindən ayrılacaq. Söhbət Şlezviq, Bavariya və şağı Saksoniyada yerləşən stansiyalardan gedir.
Bu tarixdən etibarən ölkədə cəmi 3 AES fəaliyyət göstərəcək ki, onların da istismarının son müddəti 31 dekabr 2022-ci il müəyyən edilib. Bununla da, Almaniya 1 yanvar 2023-cü il tarixdə nüvə enerjisindən istifadəni tam dayandıracaq. Fəaliyyətini dayandırmış stansiyaların sökülməsi bir neçə il çəkəcək.
Qeyd edək ki, 2011-ci ildə Yaponiyanın Fukusima AES-də baş vermiş qəzadan sonra Almaniya hökuməti atomdan dinc məqsədlə istifadəni dayandıracağını elan etmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
