Yəməndə atəşkəs razılaşması əldə olundu
20 sentyabr 2011 10:34 (UTC +04:00)

Yəməndə atəşkəs razılaşması əldə olundu

2 gündə 56 nəfər öldürülüb, 300 nəfər yaralanıb

Yəməndə prezident Əli Abdulla Salehə sadiq ordu bölmələri və general Əli Möhsen əl-Ahmarın rəhbərlik etdiyi müxalif silahlılar arasında atəşin dayandırılması barədə razılıq əldə olunub. Lent.az-ın İTAR-TASS agentliyinə istinadən verdiyi məlumata görə, bu barədə müxalifət təmsilçiləri məlumat veriblər.

General Əli Möhsen əl-Ahmar prezident Əli Abdulla Salehin tərəfdarlarından sayılıb, ancaq bu ilin may ayında müxalifət tərəfə keçib. Onun nəzarət etdiyi hərbi hissə dəfələrlə hökumətə sadiq qüvvələrlə toqquşub.

Lakin razılaşmaya baxmayaraq, sentyabrın 18-dən qarşıdurmaların başlandığı paytaxt Sənada hökumət əleyhinə aksiyalar dayanmır. Son 2 gündə qarşıdurmalar zamanı 56 nəfər həyatını itirib, 300 nəfər yaralanıb.
# 446

Oxşar yazılar