Tutulan PKK-çı Muraddır, amma Karayılan deyil

Lent.az-ın “habertürk”ə istinadən verdiyi məlumata görə, nazir deyib ki, Murad adlı şəxs tutulub. Lakin bu, Murad Karayılan deyil: “İranda başqa bir terrorçu saxlanılıb. Onun da adı Muraddır. Amma bu həmin şəxs deyil”.
Qeyd edək ki, avqustun 15-də Türkiyə baş naziri Rəcəb Tayyip Ərdoğanın sədrliyi və baş nazirin müavinləri Bəkir Bozdağ, Bəşir Atalay, ədliyyə naziri Sədullah Ergin, xarici işlər naziri Əhməd Davudoğlu, müdafiə naziri İsmət Yılmaz və daxili işlər naziri İdris Naim Şahinin iştirakı ilə toplantı keçirilib. Ədalət və İnkişaf partiyasının qərargahında baş tutan toplantıda terror təşkilatı ilə daha sərt mübarizə məsələləri müzakirə edilib.