İran Murad Karayılanın tutulması xəbərini təkzib etdi

Dünən Türkiyə mətbuatında yayılan PKK terror təşkilatının ikinci adamı Murad Karayılanın İran xüsusi xidmət orqanları tərəfindən yaxalanması xəbəri yenidən təkzib olunub.

Lent.az-ın Türkiyə mətbuatına istinadən xəbərinə görə, İran parlamentinin milli təhlükəsizlik və xarici əlaqələr komissiyasının sədri Ələddin Bürucerdi “Fars” agentliyinə açıqlamasında əvvəlcə xəbəri təsdiqləsə də, az sonra təkzib edib.

Türkiyə xarici işlər naziri Əhməd Davudoğlu da mətbuata açıqlamasında bildirib ki, iranlı həmkarı ilə telefon əlaqəsi saxlayıb və Salehi Karayılanın yaxalanması barədə onda məlumat olmadığını deyib.

Türkiyənin İrandakı səfiri Ümit Yardım isə bildirib ki, o, Ələddin Bürucerdi onunla söhbətində “Karayılanın yaxalandığını demədiyini” söyləyib.

Məlumata görə, Bürucerdi Türkiyənin Tehrandakı səfiri ilə söhbətindən sonra təkrar açıqlamasında bildirib ki, o, “Karayılan yaxalandı” yox, “Karayılan yaxalanmalıdır” deyib.