Çin ilk aviadaşıyıcısını okeana buraxdı

Lent.az-ın məlumatına görə, skeleti Ukraynadan alınan gəmi hələ istismara tam hazır deyil. O, suda bir neçə gün test səyahəti keçdikdən sonra təkmilləşdirilmə prosesi davam etdiriləcək.

Hazırlanmasına SSRİ zamanından başlanılan gəmi sonradan Ukraynaya verilmişdi. Çinlilər hələ ki, “Varyaq” adlı gəminin yeni adını qoymayıblar. Çinə satılmazdan əvvəl silahları və motorları satılan gəmi körfəzdən motorsuz və sükansız keçirilmişdi.

Gəminin test səfərinin neçə gün davam edəcəyi bəlli deyil. Başqa bir məlumatda isə gəminin bu ayın 14-ə qədər test səfərini başa vuracağı bildirilir.