Ata əvvəlcə qızını, sonra özünü bıçaqladı

Türkiyənin Bursa şəhərində bıçaqlanma hadisəsi baş verib. Lent.az-ın Türkiyə mediasına istinadən verdiyi məlumata görə, Osmanqazi bölgəsində baş vermiş hadisəni təhlükəsizlik kamerasının yaddaşına köçürülüb.

Videokadrdan görünür ki, Səlahəddin Çəlik qızı Ebru ilə birgə ata yurdu olan Şanlıurfaya getmək üçün bilet almaq istəyir. Bu zaman Ebru atasına Antalyadakı qohumlarının yanına tətilə getmək istədiyini deyir və onlar mübahisə edirlər. Qızının istəyi ilə heç cür razılaşmayan ata bir qədər sonra ərazidən uzaqlaşır və əlində bıçq qayıdır. O əvvəlcə qızını bıçaqlayır,daha sonra da özünə xəsarət yetirir. Hər iki şəxs ağır vəziyyətdə xəstəxanaya aparılır.