Hüsnü Mübarək məhkəmə qarşısında

Lent.az-ın BBC-yə istinadən xəbərinə görə, məhkəmə binasını 3 min polis qoruyacaq. Məhkəmə prosesi televiziya kanallarında canlı yayımlanacaq.

Mübarəkin vəkilləri onun sağlamlığında problemlər olduğunu iddia edirlər. Məlumatlarda bildirilir ki, keçmiş prezidentin məhkəməyə gəlməsi küçələrdə vətəndaşlar arasında silahlı qarşıdurma yaranmasına səbəb ola bilər.

Qeyd edək ki, Hüsnü Mübarək hakimiyyətinin devrilməsinə səbəb olan 18 günlük mitinqlər zamanı insan ölümünə səbəb olan hərəkətlərdə günahkar bilinir.

Xatırladaq ki, Hüsnü Mübarəkin devrilməsinə gətirib çıxaran mitinqlərdə Misirdə ümumilikdə 850 nəfərə yaxın etirazçı ölmüşdü.