“Həmas” rus raketi ilə “Merkava”nı aşırıb

Dekabrın 6-da dünyada tank əleyhinə mövcud silahlara qarşı ən güclü qorumaya sahib olan İsrailin “Merkava” tanklarından birinin “Həmas” tərəfindən vurulduğu üzə çıxıb. Qəzza bölgəsinə yaxınlaşan İsrail tankını fələstinlilər elə sərhəddəcə vurublar. Lent.az-ın məlumatına görə, yüksək səviyyəli ballistik qorumaya sahib olan “Merkava”nın vurulmasını Kinsetdə çıxışında İsrail ordusunun baş qərargah rəisi, general-polkovnik Qabi Eşkenazi açıqlayıb.

Generalın sözlərinə görə, “Həmas” əsgərləri “Merkava”nı Rusiyanın istehsalı olan “Kornet” idarəolunan raketi (9M133) ilə vurub. Lakin tankın zirehini dələn raket içəridə partlamayıb. Tank aşsa da, ekipaj salamat qalıb.

Xatırladaq ki, “Merkava”lar 120 mm çaplı “MG253” topu, “Laxat” tank əleyhinə idarə olunan raket, 2 ədəd 7,62 mm çaplı “FN MAG”, 1 ədəd 12,7 mm çaplı “M2HB” pulemyotu, 60 mm çaplı minaatanla, gecəgörmə cihazı, teplovizor, optik və lazer tuşlayıcı ilə təchiz olunur.

Rəşad