Əri tərəfindən burnu kəsilən qız əməliyyat olundu – FOTO

Əfqanıstanda ailəsi tərəfindən qan düşmənçiliyini aradan qaldırmaq üçün uşaqlıqdan “Taliban” komandirlərindən olan birinə verilən, kobud rəftarla üzləşməsi səbəbindən qaçmağa cəhd göstərdiyi üçün əri tərəfindən burnu və qulağı kəsilməklə cəzalandıran Aişənin üzərində plastik cərrahiyə əməliyyatı keçirilib. Lent.az-ın “Time” jurnalına istinadən verdiyi məlumata görə, avqustda bu jurnalın üz qabığında şəkli verilən 18 yaşlı Aişənin üzü rekonstruksiya edilib, süni burun tikilib.

Xeyriyyə fondunun qurucusu olan və qadınlara qarşı zorakılıqla mübarizə aparan kaliforniyalı cərrah Piter Qrossman ərinin zülmündən qurtararaq amerikalıların köməyi ilə ABŞ-a gələn bu xanımı pulsuz əməliyyat edib.

Qeyd edək ki, bu həftənin əvvəlində Aişə xüsusi “Dözümlü” ürək mükafatına layiq görülüb. Bu mükafatı ona məşhur aktyor, Kaliforniya ştatının qubernatoru Arnold Şvartsneqrin həyat yoldaşı Marii Şrayver təqdim edib.