Rusiyadan Ukrayna «Aerosvit»inə yasaq

Rusiya Aviasiya xidməti dekabrın 11-dən etibarən ölkəboyu Ukrayanın «Aerosvit» avia şirkətinin reyslərinə xidməti dayandırır.

Lent.az-ın xarici informasiya vasitələrinə istinadən məlumatına görə, bir müddət öncə Moskvanın «Şeremetyevo» hava limanı borcunu ödəmədiyi üçün «Aerosvit»ə xidmət göstərməyəcəyini bəyan etmişdi.

Mənbənin bildirdiyinə əsasən, Ukrayna şirkətinin onlara borcu 165,5 milyon rubldan artıqdır. Şirkətin rusiyalılar qarşısında cəmin 246 min dollar borcu var.

Rusiya tərəfi «Aerosvit»ə bu haqda dəfələrlə xəbərdarlıq etdiyini və öhdəlikləri yerinə yetirməsini xatırlatdığını da bildirib.