ABŞ Fələstinə maliyyə yardımını dayandırmayacaq

Ötən gün Fələstin Muxatriyyatına BMT-də müşahidəçi –dövlət statusu verildi. ABŞ buna qarşı çıxış etdi, bildirdi ki, bu, İsraillə danışıqlar mane olacaq.

Lent.az-ın «RİA-Novosti»-yə istinadən məlumatına görə, Dövlət Departamentin təmsilçisi Viktoriya Nuland bildirib ki, Fələstinin BMT-dəki statusu ilə bağlı fikir ayrılığına baxmayaraq, ABŞ onlara maliyyə yardımını davam etdirəcək.

«ABŞ adminstrasiyası və prezident dəqiq ifadə edib - əlimizdə olan imkanlarla Yaxın Şərqdəki münaqişənin həlli istiqamətində fəaliyyətimizi davam etdirməliyik. Biz Fələstin hökumətin maliyyə yardımının davam etdirmək niyyətindəyik. Bu pul ona öz ərazisinə nəzarət etməyə, təhlükəsizliyin təmininə, bizim və beynəlxalq ictimaiyyətin yardımına ehtiyacı olan fələstinlilərin təhlükəsizliyinə yardım edəcək» - deyə, Nuland söyləyib.

O, xatırladıb ki, 2012-ci ilin nəticələrinə əsasən, ABŞ 495 milyon dollar yardım edəcək. Onun 200 milyon dolları birbaşa Fələstin Muxtariyyatının maliyyə büdcəsinə keçiriləcək, 195 milyonu iqtisadi proqramların dəstəklənməsinə, yüz milyonu isə cinayətkarlığa və narkotiklərlə mübarizəyə xərclənəcək.