Senat Pentaqona «Rosoboroneksport» sövdələşməni qadağan edib

ABŞ senatı Pentaqona Rusiya «Rosoboroneksport» şirkəti ilə sövdələşməni qadağan edən sənədi təsdiqləyib.

Lent.az-ın «RİA-Novosti»-yə istinadən məlumatına görə. Həmin sənəddə Əfqanıstan üçün Rusiyadan vertolyotların alınması da yasaqlanıb.

Qadağa ABŞ prezidenti təsdiqləndikdən sonra qüvvəyə minəcək. Hazırda sənədə Konqresin Yuxarı palatasında da baxılır.

Bu qanunun müəllifi Texas ştatında respublikaçı –senator Con Kornindir. «Amerika vergi ödəyiciləri Suriyada dinc əhalini kütləvi şəkildə qıranları dolayı yolla dəstəkləməməlidir. Biz bu sövdələşməni öz istehsalçılarmızla da edə bilərik. «Rosoboroneksport»la əlaqəni davam etdirməklə biz ABŞ-ın Suriyaya münasibətinə və o, ölkə xalqının dəstəklənməsinə zərbə vururuq»-deyə, senator yaydığı bəyanatda vurğulayıb.