Obamanın partiyadaşının adı seks qalmaqalında

ABŞ-da prezident seçkisi öncəsi ölkə başçısı Barak Obamanın üzvü olduğu Demokratlar Pratiyasında seks qalmaqalı ortaya çıxıb.

Lent.az-ın Türkiyənin «NTV» saytına istinadən məlumatına görə, demokratların üzvü, Nyu-Cersi ştatının senatoru Robert Menendezin adı seks qalmaqalında hallanır.

Mənbənin bildirdiyinə görə, bu ilin yazında o, Pasxa bayramında Domnik Respublikasında səfərdə olub. Orda o, iki «qədim peşə» sahibi qadınla pul qarşılığında birlikdə olub.

ABŞ-ın «Daily Caller» xəbər saytı da senatorun həmin qadınlarla pulla əlaqədə olduğu haqda məlumat yayıb.

Adları gizli saxlanılan həmin qadınlar bildirib ki, Robert Menendez onları aldadıb:«Biz 500 dollara anlaşmışdıq. Ancaq bizə 100 dollar verdi».

Senator barəsində deyilənlərlə bağlı açıqlama verməyib. Onun sözçüsü Trisia Enrayt isə deyib:«Bu yalan iddialara cavab verməyəcəyik».

Qeyd edək ki, Robert Meneendez ABŞ Konqresindəki vəzifəsinə yenidən namizədliyini irəli sürüb. Onun rəqibi Respublikaçılar Partiyasının üzvü Co Kvrillosdan öndə gedir. Noyabrda onun yenidən Konqresə qayıdacağı ehtimal edilir.