1379
16:59
01 Sentyabr 2020

Regionlarda məişət tullantıları yığılmır - PROBLEM

“Bərk məişət tullantılarının idarə olunması problemi Bakıda demək olar həll olunsa da, regionlarda hələ də qalmaqdadır”.

Lent.az xəbər verir ki, bunu Ekologiya və Təbii Sərvətlər Nazirliyinin ekoloji siyasət şöbəsinin müdiri Rasim Səttarzadə onlayn yayımda deyib.

O bildirib ki, regonlarda bərk məişət tullantılarının qalaqlamnası, vaxtı-vaxtında daşınmaması, lazım olmayan yerlərə atılması su hövzələrinin çirkləndirilməsi kimi problemlər var: “Bələdiyyələri cərimələməklə problemi həll etmək olmaz. Bu problemin həlli ilə bağlı hökumət tədbirlər görür. Bununla bağlı strategiya da var. Mərhələli işlər görülür. Lakin hazırda mövcud olan problemi qısa zamanda həll etmək üçün hər bir ərazidə zibillərin idarə olunmasını yerli idarərtmə orqanları təşkil etməlidir”.

S.Rasimzadə bildirib ki, mövzu ilə bağlı Ekologiya və Təbii Sərvətlər Nazirliyinə verilən sualların bir hissəsini yerli idarəetmə orqanlarına ünvanlamaq lazımdır: “Nəyə görə yerlərdə zibillər vaxtında yığılmır? İctimai nəzarətə böyük ehtiyac var. 10 dəfə ETSN-ə müraciət edəndə, bir dəfə də yerli idarəetmə orqanına müraciət edilməlidir ki, ödənilən vəsaitin müqabilində nəyə görə bu işlər görülmür?”

Dİgər xəbərlər