18:58
16 Aprel 2020

ÜST: AVRO-2020 və Tokio-2020 azarkeşsiz keçirilə bilər

AVRO-2020-nin final mərhələsinin oyunları və Tokio-2020 Yay Olimpiya Oyunları azarkeşsiz keçirilə bilər.

Apasport.az saytının məlumatına görə, bunu Ümumdünya Səhiyyə Təşkilatının (ÜST) məsləhətçisi Zeke Emanuel bəyan edib.

O bildirib ki, azarkeşlər yalnız 2021-ci ilin payızında tribunalara qayıda bilər. Zekenin fikrincə, stadionların qapılarını tamaşaçılara bu il açmaq ehtimalı çox aşağıdır: “Başa düşmürəm, niyə bəziləri hesab edir ki, kütləvi tədbirləri artıq bu payızda keçirmək olar. İdman sonuncu olacaq ki, o zaman azarkeşlərin stadionlarda peyda ola biləcəklrə. Reallıqda biz 2021-ci ilin payızından danışırıq”.

Qeyd edək ki, AVRO-2020 2021-ci il iyunun 11-dən iyulun 11-dək 12 şəhərdə, o cümlədən Bakıda, Tokio-2020 isə gələn il iyulun 23-dən avqustun 8-dək Yaponiyada keçirilməlidir.

Dİgər xəbərlər